Германия терма жамоасининг собиқ футболчиси ва мураббийи Юрген Клинсманн унинг «Тоттенхем» бош мураббийи этиб тайинланиши эхтимолини юқори баҳолади. У 1994-1995 йилларда «шпорлар» сафида ўйнаган.
“Бу ҳаётда ҳамма нарса бўлиши мумкин. Германия терма жамоасини жаҳон чемпионатида бошқараман деб ҳеч ҳам ўйламаган эдим. Олти йил давомида АҚШ терма жамоасини бошқараман ёки «Бавария» ни бошқараман деб ҳам ўйламаганман. Шундай қилиб, мен «Тоттенхем» га мураббийлик қилсам бўладими-йўқлигини бир неча ой ичида билиб оламиз”, - деди Клинсман ESPN нашрига.
19 апрель куни “Тоттенхем” Жозе Моуриньонинг бош мураббий лавозимидан кетишини эълон қилди. Шундан сўнг Раян Мейсон “шпорлар” нинг вақтинчалик устозига айланди. Унинг бошчилигида Лондон клуби АПЛ учрашувида “Саутгемптон" ни 2: 1 ҳисобида мағлуб этди.
