«ПСЖ» ҳужумчиси Неймар француз клуби билан муносабатларни узайтириш бўйича музокаралар ҳақида гапирди.
«ПСЖ билан музокара олиб борилмоқда. Биз шошилмаймиз. Барчаси деярли ҳал қилинди. Мен хотиржамман, чунки ПСЖда ҳақиқатан ҳам бахтлиман. Мухлисларга келсак, мен энг аввало улар трибунага қайтишларини интизорлик билан кутмоқдаман», - дейди бразилиялик юлдуз.
Эслатиб ўтамиз, Неймар 2017 йилда «Барселона»дан рекорд даражадаги сумма, 222 миллион eвро эвазига «ПСЖ»га кўчиб ўтган эди.
Маълумот ўрнида, жорий мавсумда 29 ёшли ҳужумчи Франция чемпионатида 14 учрашув ўтказиб, 6 гол урди ва 3 голли узатма амалга оширди. Неймарнинг Париж клуби билан амалдаги шартномаси 2022 йилнинг ёзига қадар мўлжалланган.
