Италия чемпионати 35-тури доирасида «Ювентус» «Милан»ни қабул қилди. «Альянц Стэдиум» ўйингоҳида кечган баҳсда майдон эгалари рақибларидан жавобсиз 3та гол қабул қилиб олган ҳолда, йирик ҳисобда мағлуб бўлишди.

Дастлаб, деярли тенг курашлар асносида ўтган биринчи бўлимда меҳмонлар Браим Диаснинг қўшиб берилган дақиқаларда киритилган голи эвазига ғалаба билан танаффусга йўл олишди.

Иккинчи тайм ўрталарида эса, Ребич рақиб дарвозасига гол киритиб, ҳисобни яна биттага ошириб қўйган бўлса, сўнгги дақиқалар яқинлашаётган бир паллада «Ювентус» ўз дарвозасидан учинчи тўпни ҳам олиб чиқишга мажбур бўлди.

Ушбу, ўйинга нуқта қўйган гол эса Фикайо Томори ҳисобига ёзилди. Якунда ҳисоб, 0:3, «россионери» Туриндан муҳим бўлган 3 очкони олиб қайтмоқда.

Шу тариқа, бугунги ўйин натижасига кўра, ҳозиргача 72 очко тўплаган «Милан» кучли учликка якун ясаб бермоқда. 35 турдан кейин, ҳисобидаги 69 очко билан «Ювентус» эса бешинчи поғонани банд этди.

«Ювентус» – «Милан». 0:3(1:0,2:0) «Альянц Стэдиум»

Голлар: 0:1 – 45 Браим Диас, 0:2 – 78 Ребич, 0:3 – 82 Томори.

«Ювентус» – Шченсни, Кьеллини, Алекс Сандро, де Лигт, Маккенни, Куадрадо, Бентанкур (Кулусевски, 67), Рабьо, Кьеза (Дибала, 79), Роналду, Мората.

«Милан» – Доннарумма, Калабрия, Томори, Кьер, Тео, Чалханоглу, Беннасер (Диогу Далот, 82), Кессиэ, Салемакерс (Мейте, 82), Браим Диас (Крунич, 70), Ибрагимович (Ребич, 66).

Огоҳлантиришлар:
Кьеза (53), Кьеллини (57), Браим Диас (59), Салемакерс (76).