Англия чемпионатининг қолдирилган 34-туридан ўрин олган баҳсда «Манчестер Юнайтед» ва «Ливерпуль» баҳсга киришишди. Ўйин Юрген Клопп шогирдларининг 4:2 ҳисобидаги ғалабаси билан якунланди.
Премьер-лиганинг 2020/2021 йилги мавсумида «қизил иблислар» «Олд Траффорд»да 27та гол ўтказиб юборди. Opta Sport хабарига кўра, бу «манкунианликлар» учун сўнгги 49 йилдаги энг ёмон кўрсаткичдир. 1971/1972 йилги мавсумда «Манчестер Юнайтед» ўз уйида 26та гол ўтказиб юборган эди.
Англия Премьер-лигасининг 36 туридан сўнг, Сульшер шогирдлари турнир жадвалининг иккинчи поғонасида боришда. Қолган икки турда «қизил иблислар» «Фулхэм» ва «Вулверхемптон» билан тўқнаш келишади.
