Зинедин Зидан “Реал Мадрид”ни ушбу ёзда тарк этмоқчи. Ушбу ҳолат “Ювентус” учун айни муддао, сабаби Зидан туринликлар учун идеал қарор бўлади.

“Реал” Зинедин Зиданни ушлаб қолиш учун барча ҳаракатларни қилиши керак, аммо французнинг ўзи кетишни хоҳламоқда.

Агар мураббий клубни ўзгартиришга қарор қилса, у ҳолда “Ювентус” унга асосий даъвогар бўлиши мумкин.

Туринликларга янги мураббий керак. Чунки Андреа Пирло икки кубок қўлга киритган бўлса-да, мавсумни муваффақиятсиз якунламоқда.

Ёш мураббий тахмин қилинганидек, қийин вазифани уддалай олмади, шу сабабли “Ювентус” у билан ишлашни давом эттириш учун ҳеч қандай сабаб йўқ.

Зидан ҳам Пирло сингари Турин жамоасининг собиқ футболчиси мақомига эга. Бироқ, француз, италияликдан фарқли ўлароқ, мураббийлик тажрибасини аллақачон муваффақиятли эгаллаган.

“Ювентус” раҳбарияти Чемпионлар Лигасида ғолиб чиқишни орзу қилмоқда ва Зидан бу борада устаси фарангдир.

Лекин Зиданни европада энг кучли мураббий деб айтиш мумкин эмас. Чунки Зидан ҳар доим ресурсларни тўғри тақсимлаб келганлиги учун муваффақиятга эришган.

Зидан умуман Италия футболи учун жуда мос тушади. А Серия бу кўп нарса тактикага боғлиқ бўлган турнир. Зидан бу соҳада ўзини мукаммал мутахассис сифатида кўрсатди. Унинг “Реал”и ўзининг ёрқин юзига эга эмас эди, аммо у тўғри тактик қўллаш орқали рақибнинг заиф томонларини топишга муваффақ бўлди.

ОАВ хабарларига кўра, Андреа Агнелли ҳақиқатан ҳам Зиданни туринликларга жалб қилмоқчи. Сабаби Пирло ўз вазифасини яхши даражада бажара олмади, бундан ташқари Суперлига билан боғлиқ можародан сўнг “Ювентус” етакчилик позициясини йўқотди.

Пирлонинг яқинда кетиши ҳақида миш-мишлар аллақачон пайдо бўлган. Зидан таклиф қилиниши бу Агнеллини “Ювентус” раҳбариятини бошқаришда давом этишини таъминлайдиган бир қадам бўлади. Шу сабабли, французнинг “Ювентус”га келиши менимча анча ойдинлашмоқда.

Агар Зидан “Ювентус”да иш бошлаб ЕЧЛ чемпионига айлантирса, илгари футболчи сифатида фаолият олиб борган икки клубини кўкларга кўтарган бўлади.