«Реал» бош мураббийи Зинедин Зидан Ла Лига сўнгги тури доирасидаги «Вильярреал»га қарши ўйин олдидан таркиб ҳақида гапирди.
«Серхио Рамос машғулотларимизда иштирок этмоқда, у «Вильерреал»га қарши ўйнай олади. Эден Азар эса ўзини яхши ҳис қилмаяпти. Шу боис уни майдонга тушириб таваккал қилмоқчи эмасмиз. У эртанги ўйинда майдонга туша олмайди», - дейди мадридликлар бош мураббийи.
Маълумот учун, Азар Ла Лига жорий мавсумида 14 ўйинда 3та голга муаллифлик қилган. «Реал» 37-турдан кейин турнир жадвалида 81 очко билан 2-ўринда бормоқда. 1-ўриндаги «Атлетико» ҳисобида эса 83 очко мавжуд. Чемпион номи сўнгги турда маълум бўлади.
