"Бавария" бош мураббийи Ханс-Дитер Флик Германия терма жамоасини бошқариш ниятида эканлигини тасдиқлади.
Журналист Фабризио Романо хабарига кўра, томонлар апрел ойида оғзаки келишувга эришганлар
Европа чемпионати тугагандан сўнг Флик Германия терма жамоаси бош мураббийи сифатида Йоахим Лёв ўрнини эгаллайди.
"Ҳа, мен Германия футбол ассоциацияси билан гаплашдим. Терма жамоага бўлган муносабатимни ҳамма билади. Аммо ҳозирча мен ҳеч нарсани расман эълон қила олмайман", - деди Флик.
Аввалроқ, Флик жорий мавсум охирида "Бавария" бош мураббийи лавозимидан кетиши расман эълон қилинган эди. Германия терма жамоаси бош мураббийи Йоахим Лёв ҳам лавозимини тарк этмоқда.
