«Ювентус» ярим ҳимоячиси Дуглас Коста Бразилияга қайтади.
Турин клуби 30 ёшли хавбекни 2022 йилнинг ёзига қадар «Гремио»га текинга ижарага бермоқда.
«Гремио» Коста учун бегона эмас. Футболчи 11 ёшида мазкур жамоага қўшилган ва профессионал футболчилик фаолиятини айнан шу клубда бошлаган.
2010 йилда Донецкнинг «Шахтёр»ига қўшилган Коста, 2015 йилда 30 млн евро атрофидаги маблағ эвазига «Бавария» аъзосига айланган.
Трансфер ҳуқуқи «Ювентус»га тегишли бўлган хавбек жорий мавсумни «Бавария» сафида ижарада ўтказди. У Бундеслиганинг 11 ўйинида 1 гол урган.
