«Тоттенхем» президенти Дениэль Леви Кейннинг интервьюсидаги сўзларидан ғазабланди.
Олдинроқ «шпорлар» ҳужумчиси бошқа клубга ўтиши ҳақидаги миш-мишларни тасдиқлаган эди. Кейн «Тоттенхем»нинг ҳар қандай совринни ютиш қобилиятига шубҳа қилди.
Леви Кейннинг сўзларини ҳурматсизлик деб билади. Айниқса, клуб Харрининг трансфери ҳақидаги маълумотларни расман рад этганидан кейин футболчининг бу гаплари раҳбариятнинг кўпчилик аъзоларига манзур келмади. Президент Кейннинг матбуот учун сукут сақлашига ишонган эди.
Энди узоқ муддатли низо юзага келиши мумкин. Леви ҳаттоки трансферни тақиқлаши ҳам мумкин, чунки Кейннинг клуб билан шартномаси 2024 йилгача мўлжалланган.
