«Реал Мадрид» ёзги трансфер ойнасида жамоани кенг миқёсда қайта тузишни режалаштирмоқда.

Marca хабарига кўра, Мадрид клуби сотиб олиш учун 130-150 миллион евро сарфламоқчи. «Реал» ушбу суммани футболчиларни сотиш орқали жамғаришни режалаштирмоқда.

Мадридликлар ўтган мавсумни «Айнтрахт»да ижарада ўтказган Лука Йович ва «Арсенал»да ўйнаган Дани Себальос учун 25 миллион евродан олишга умид қилмоқда. Улар Мариано Диасни 15 миллион еврога сотмоқчи, чунки у камдан-кам майдонга тушганлиги учун унга бундан қимматроқ нарх белгилаш мушкул.

«Рома» Борха Майорални сотиб олиш вариантини фаоллаштириши кутилмоқда. Клублар ўртасидаги ижара шартномасида Рим клуби ҳужумчини 15 миллион еврога сотиб олиш мумкинлиги айтилган. У римликларнинг янги мураббийи Жозе Моуриньога ёқади.

Бундан ташқари, агар бирон бир клуб у учун 50 миллион евродан кўпроқ таклиф қилса, «Реал» Эден Азар учун таклифларни ўрганади. Шунингдек, Марко Асенсиони сотиш варианти ҳам бекор қилинмайди.

Шу билан бирга, Мадрид клуби шартномада кетиш учун бир йил қолган жамоанинг фахрийлари билан хайрлашиш орқали иш ҳақини қисқартиришни режалаштирмоқда. Улар орасида Гарет Бэйл, Иско ва Марсело бор.