«Реал» Зинедин Зидан жамоа бош мураббийлигидан кетганидан кейин баёнот билан чиқди.
Зинедин Зидан клубимиз бош мураббийлигидаги даврини якунлашга қарор қилди.
Унинг қарорини ҳурмат қилиш вақти келди. Кўп йиллар давомида ўзининг профессионаллиги, садоқати ва иштиёқини намойиш этгани учун унга миннатдорчилигимизни билдирамиз.
Зидан — «Реал»нинг энг буюк афсоналаридан бири ҳисобланади. Ва бу фақат у бизнинг клубда мураббий ва футболчи бўлгани учунгина эмас.
У мадридизм юрагида эканлигини ҳамда «Реал» унинг уйи ва ҳар доим шундай бўлиб қолишини билади.
«Реал Мадрид» баёноти
Зидан ўз хоҳишига кўра 2022 йилгача мўлжалланган шартномани бекор қилди. У мураббий сифатида «қироллик клуби» бошқарувида 276 ўйин ўтказиб, 174 та ғалаба, 53 та дуранг, 36 та мағлубият қайд этди. Франциялик мутахассиснинг мадридликлар билан қўлга киритган совринлар сони эса 11 тани ташкил қилади.
