Испания Ла Лигаси президенти Хавьер Тебас УЕФА томонидан Европанинг янги турнири - Суперлигани ташкил қилишга уринишгани учун "Барселона", "Реал" ва "Ювентус"га қарши иш қўзғатилганлиги ҳақидаги маълумотларга муносабат билдирди.
"Чемпионлар Лигаси "Реал", "Барселона" ва "Ювентус" жамоаларисиз давом этиши мумкин. Албатта, биз ҳаммамиз "Реал" ва "Барселона"ни Европа мусобақаларида кўришни истардик. Агар улар аҳмоқлик қилишни тўхтатсалар, бу мумкин бўлади. Бироқ, улар ўз хатти-ҳаракатлари учун жавоб беришлари керак; сиз гўёки давлат тўнтаришини амалга оширмоқчи бўласизу, лекин ҳеч нарса бўлмагандай жазодан қочишингиз мумкинми!", - дейди Тебас.
