"Рома" бош мураббийи Жозе Моуриньо "Ювентус" ҳужумчиси Криштиану Роналду билан алоқада бўлди, деб хабар тарқатмоқда La Stampa нашри.

Португалиялик мутахассис ҳужумчининг "Ювентус"дан кетиши ҳақидаги миш-мишларлардан сўнг, ватандошининг кейинги режалари тўғрисида маълумот олиш учун қўнғироқ қилди ва шунингдек, "Рома"га ўтиш вариантини кўриб чиқишни ҳам таклиф қилди.

Қайд этилишича, "Рома"га ўтиши мумкин бўлган трансфер Роналдуга Европанинг бошқа юқори лигаларига нисбатан қулай бўлади. Чунки, Италия чемпионатида ўйнайди ва  солиқ билан боғлиқ муаммоларга уналик дуч келмайди. 

36 ёшли футболчи ушбу мавсум А Сериянинг 33 ўйинида 29 та гол уриб, энг яхши тўпурарига айланди.

Эслатиб ўтамиз, Роналду ва Жозе Моуриньо анча йиллар олдин "Реал"да бирга ишлаган ва ораларидаги муносабат жуда яхши.