Европа чемпионлар лигасининг навбатдаги мавсуми якунига етди. "Манчестер Сити" ва "Челси" жамоалари ўртасидаги ҳал қилувчи баҳсда Тухель шогирдлари ғалаба қозонишди.

Баҳснинг биринчи бўлимида, кутилганидек, анча фаол ўйин намойиш этишди. Учрашув бошида Стерлинг аниқ зарба йўллашига ҳимоячилар имкон беришмаган бўлса, кейинчалик Тимо Вернер 2та имкониятдан фойдалана олмади. 27-дақиқада эса Фил Фоден ажойиб вазиятга чиқиб бордию, аммо Рюдигер унинг зарба беришга йўл қўймади.

Учрашувнинг 42-дақиқасида эса ҳисоб очилди. Маунтнинг аниқ узатмасидан кейин Хаверц яккама-якка вазиятга чиқиб кетиб, "Челси"ни олдинга олиб чиқди.

Иккинчи бўлимда эса лондонликлар ажойиб ҳимояланишган бўлса, Гвардиола жамоаси эса рақибга "сюрприз" тақдим эта олмади. Таймга қўшиб берилган 6-дақиқада эса Маҳрезнинг зарбасига бирозгина аниқлик етишмади: тўп тўсин устидан ўтиб кетди.

Шу тариқа, "Челси" Чемпионлар лигасининг 2021-йилги ғолибига айланди! "Кўклар" ўз тарихларида иккинчи марта ушбу соврин ғолибига айланишди.

Европа чемпионлар лигаси. финал
Манчестер Сити Англия – Челси Англия 0:1 (0:1, 0:0)
Гол: 0:1 – 42 Хавертц.
Манчестер Сити – Эдерсон, Стоунз, Рубен Диаш, Уокер, Зинченко, Фоден, Бернарду Силва (Фернандиньо, 64), Стерлинг (Агуэро, 77), де Брюйне (Габриэл Жезус, 60), Марез, Гюндоган.
Челси – Менди, Чилуэлл, Джеймс, Рюдигер, Аспиликуэта, Маунт (Ковачич, 80), Жоржиньо, Хавертц, Канте, Тиаго Силва (Кристенсен, 39), Вернер (Пулишич, 66).
Огоҳлантиришлар: Гюндоган (34), Рюдигер (57), Габриэл Жезус (88).