COPE хабарига кўра, Реал Мадрид янги келишув бўйича Серхио Рамос билан келиша олмади ва ниҳоят музокараларга чек қўйди. Шу тариқа, жорий йилнинг 30 июнидан сўнг 35 ёшли футболчи эркин агент мақомини олади ва янги клуб излашни бошлаши мумкин бўлади.
Рамос 2005 йилдан бери "Реал" шарафини ҳимоя қилиб келади. 2020/2021 йилги мавсумда ҳимоячи жамоа таркибида жами 21та ўйин ўтказди, тўртта гол урди ва битта голли узатмани амалга оширди. Олдинроқ ҳимоячи иш ҳақини 10 фоиз қисқартириш билан икки йиллик шартнома имзоламоқчи эканлиги ҳақида хабар берилган эди, аммо клуб фақат бир йиллик шартнома имзолашга тайёр эканлигини маълум қилди.
