“Манчестер Сити”нинг бир неча футболчиси жамоадаги ҳолатдан норозилиги туфайли клубни тарк этишга қарор қилди.

Манбаларнинг маълум қилишича, ҳимоячи Эмерик Лапорт, ҳужумкор футболчи Раҳим Стерлинг ва ҳужумчи Габриэл Жезус ўзига етарли даражада эътибор қаратилмаётгани туфайли жамоасини алмаштирмоқчи. Бу футболчиларнинг агентлари ёзда уларга янги иш жойи қидиради.

Шунингдек, моҳир ярим ҳимоячи Рияд Маҳрез ҳам жамоадан кетишни ўйлаб юрибди.

 Клуб раҳбарияти ҳам бу футболчиларнинг кетишига қаршилик қилмайди. Чунки Хосеп Гвардиола келаси мавсум олдидан жамоа таркибида ўзгариш қилади. Испаниялик мутахассис ҳужумчилардан Ҳарри Кейн ва ярим ҳимоячи Жек Грилишни кутмоқда.