"Реал" ярим ҳимоячиси Эден Азар Карло Анчелоттининг Мадрид жамоасига бош мураббий этиб тайинлангани ҳақида фикр билдирди.
"Анчелотти ушбу клубга нима берганини "Реал"да ҳамма яхши билади. У ушбу таркиб билан Чемпионлар Лигасида ғолиб чиқди, шу сабабдан Анчелотти кўплаб футболчилар билан таниш. Барчамиз унинг бой тажрибага эга мураббий эканлигини биламиз. Ўйлайманки, биргаликда кўп нарсага эришамиз.
Мен уни шахсан танимайман. Аммо эшитишимга қараганда, Анчелотти ғалаба қозонишни истаган жуда яхши одам. Бу эса ҳаммамиз истаётган нарса. Энди биз биргаликда ишлаш имкониятига эга бўламиз. Бу мен учун яхши янгилик", - дейди Азар
