Тошкентнинг "Пахтакор" клубига тегишли бўлган ҳужумчи Александр Гейнрих фаолиятини БАА чемпионатида давом эттириши ҳақида маълумот бериб ўтгандик. "Пахтакор" расмий сайтининг хабар беришича, Гейнрих амирликларда ижара асосида тўп суради.
"Аввалги мавсумни Жанубий Кореянинг "Сувон Самсунг" клубида ўтказган 28 ёшли ҳужумчи БАА олий дивизиони иштирокчиси "Эмирейтс" клубига ижарага берилди. У мазкур жамоада БААда футбол мавсуми якунланганига қадар тўп тепади. Айни пайтда Гейнрихнинг янги клуби 12 учрашувдан кейин 7 очко жамғарган ҳолда турнир жадвалида ўн биринчи ўринни эгаллаб турибди" деб ёзади клуб расмий сайти.
Эслатиб ўтамиз, Саша бунгача "Пахтакор"дан ташқари "Дўстлик", Россиянинг ЦСКА ва "Торпедо" ҳамда Жанубий Кореянинг "Сувон Самсунг" клубларида ҳам ўйнаган.













