Аргентиналик ҳозирги клубидаги ҳамма нарсадан мамнун.

«Севилья» ярим ҳимоячиси Алежандро Гомес хизматларига «Милан» қизиқиш билдирган эди. Бироқ, футболчи А Серияга қайтишни рад этди.

Футболчининг агенти Жузеппе Рисонинг Marcaга маълум қилишича, унинг мижози ҳозирги жамоасида қолмоқчи. Бундан ташқари, аргентиналикнинг андолусияликлар билан шартномаси яна 3 йилга мўлжалланган.

Маълумот учун, Гомес Италияда «Катания» ва «Аталанта» жамоаларида ўйнаган. Январь ойида Бергамо клуби 33 ёшли ярим ҳимоячини 5 миллион евро эвазига «Севилья»га сотган эди.