"Интер" Нидерландиянинг "ПСВ" клубидан Ҳакимига ўринбосар топди. Журналист Николо Скиранинг сўзларига кўра, "ПСВ" ҳимоячиси Дензел Думфрис ёзда "Интер"га ўтиши мумкин. Милан клуби 25 ёшли голландиялик футболчини мавсум охирида жамоани тарк этадиган Ашраф Ҳакимига ўринбосар сифатида кўриб чиқмоқда.
Олдинроқ "Челси" Ҳакими борасида "Интер" билан музокараларда муваффақиятга эришгани ҳақида хабар берилган эди. "Интер"нинг қисқа рўйхати ҳанузгача "Челси" ҳимоячиси Давиде Заппакоста бўлиб, ушбу футболчи Ҳакими трансферига қўшилиши мумкин.
Ўтган мавсумда Думфрис Нидерландия чемпионатида 30 та баҳсда майдонга тушиб, 2 та гол ва 6 та голли пас берган.
