«Базел» клуби ва Швейцария терма жамоасининг 20 ёшли яримҳимоячиси Шердан Шакири «Бавария» кулубига ўтиш учун, сешанба куни Мюнхен шифохоналаридан бирида тиббий кўрикдан ўтди.
Шакирини «Бавария»га расмий равишда ўтганлиги ҳақидаги маълумотни клуб ҳафтанинг охирига бориб, матбуотга эълон қилишни кўзламоқда», дея ҳабар беради немис нашрлари.
Шердан Шакири учун «Бавария», «Базел» клубига 12 млн. евро тўлайди. Ўз навбатида Шақири «Бавария» билан 2016 йилгача мўлжалланган шартномага имзо чекади», дея қўшимча қилади немис матбуоти.