Ҳабиб Нурмагомедов Конор Макгрегорни бир уюм ахлат деб атади. Бу ҳақда «Abcnews» хабар берди.
Енгил вазни тоифасидаги собиқ UFC чемпиони Ҳабиб Нурмагомедов Конорнинг охирги жангида олган оёғидаги жароҳати туфайли фаолиятини якунлайди деб ҳисобламоқда.
«Пул ва шон-шуҳрат аслида ким эканлигингни кўрсатади. Одамларда эса улар сени ўзгартиради деган фикр бор, аслида ундай эмас. Конор нима қилди? У ёши катта кишини урганди. Ҳамма буни кўрди ва тушунди. Дастин Порье айтганидек, ‘у бир уюм ахлат’, холос.
Порьега қарши жанглардан сўнг Конор ҳеч қачон аввалгидек оёқларида зарба бера олмайди. Унинг яна чўққига қайтишига ишонмайман.
Конор айни дамда унча кекса эмас. Бироқ бош ва оёқлари билан юз берган ҳодисалардан сўнг барчаси тугади деб айтиш мумкин. Шунга қарамай, у UFC учун жуда фойдали», — дейди Ҳабиб.
