Испан манбаларининг хабар қилишича, «Барселона»нинг бразилиялик футболчиси Филиппе Коутиньо муносиб таклиф тушса, клубни тарк этишга тайёр. Манбанинг таъкидлашича, «Милан» бразилиялик ярим ҳимоячи учун курашга қўшилган.
«Кўк-анорранглилар» Коутиньога 20 миллион евро миқдорида катта маош беради. 29 ёшли футболчи 2020 йил декабрида тиззасидан олган жароҳати туфайли, бутун мавсум давомида «Барса»га ёрдам бера олмади.
«Барселона» иш ҳақи бюджетини Ла Лига қоидаларига мувофиқ қисқартиришни жуда хоҳлаётгани боис, Коутиньо ушбу ёзда жамоани тарк этиши мумкин.
