«Челси» ҳужумчиси Оливье Жиру клуб билан хайрлашганини эълон қилди. Француз ҳужумчиси бу борада ўз твиттерида пост қолдирган. Эслатиб ўтамиз, Оливье «Милан»га кўчиб ўтмоқда.
«Челси» билан алоқадор бўлган ҳар бир кишига, менинг собиқ жамоадошларимга, барча мураббийларга, бутун клубга ушбу ажойиб дақиқалар учун катта миннатдорчилигимни билдираман.
Мен ажойиб кайфиятда янги боб очмоқчиман. Англия кубоги, Европа Лигаси ва Чемпионлар Лигасидаги ғалабаларимиз ажойиб бўлди.
«Челси» сенга раҳмат», деб ёзади Жиру.
