Лондоннинг «Челси» клуби «Бавария» етакчиси Роберт Левандовски учун «аристократлар»га тахминан 60 миллион евро таклиф қилишга тайёр, деб хабар беради Sky Sports.
Нашрнинг ёзишича, инглиз клуби ёзги трансферлар вақтида футболчини сотиб олиш ниятида. Форвардга «ПСЖ» ва «Манчестер Сити» ҳам қизиқиш билдирганини такидлаш жоиз.
32 ёшли Левандовски ўтган мавсумда «Бавария» таркибида барча мусобақалар доирасида 40 та ўйин ўтказиб, 48 та гол ва 9 та голли пас берди. Унинг клуб билан шартномаси 2023 йилнинг ёзигача амал қилади.
