Журналист Антон Меананинг сўзларига кўра, «Реал»нинг норвегиялик футболчиси Мартин Эдегор жамоани тарк этиши мумкин.
Манбанинг хабарига кўра, Мадрид клуби ярим ҳимоячининг трансфери борасида борасида бир нечта таклиф олган. Улардан бири Лондоннинг «Арсенал» клуби.
Ҳозирча, «қироллик клуби» Эдегорни нима сабабдан сотмоқчилиги номаълум.
Трансфермаркет портали ҳозирда Мартиннинг нархини 40 миллион еврога баҳолаган.
Эслатиб ўтамиз, Эдегор ўтган мавсумнинг иккинчи ярмини «Арсенал»да ижарада ўтказди. Футболчи АПЛда 14 учрашувда майдонга тушиб, ўз ҳисобига бир гол ёздириб қўйган. Унинг «қаймоқранглилар» билан шартномаси 2023 йил ёзигача амал қилади.
