«Манчестер Юнайтед» ёзги трансферлар ойнаси вақтида бир қанча футболчиларидан воз кечмоқчи. Бу ҳақида таниқли «ESPN» нашри хабар бермоқда.

Манбага кўра, инглиз клуби ҳимоячилар Алекс Теллес, Диого Далот, Брэндон Уильямс, Фил Жонс, ярим ҳимоячилар Андреас Перейра, Даниэль Жеймс ва Жесси Лингард ҳамда ҳужумчи Энтони Марсьялни сотишга тайёр.

Эслатиб ўтамиз, ушбу ёзда «Манчестер Юнайтед» Дортмунднинг «Боруссия» клуби ярим ҳимоячиси Жейдон Санчони 85 миллион евро эвазига сотиб олди. Шунингдек, «Астон Вилла» дарвозабони Том Хитони ҳам текинга қўлга киритди. Бундан ташқари, «манкунианликлар» тез орада «Реал» ҳимоячиси Рафаэль Варан трансферини амалга оширишга яқин турибди.
«МЮ» мазкур харидлар учун катта сумма сарфлаётганини ҳисобга олсак, юқоридаги футболчиларни сотиб, ушбу чиқимнинг ўрнини тўлдиришни мақсад қилган.