Агар «Қироллик клуби» эртага «Леванте» устидан ғалаба қозонса, «Реал» Испания чемпионлигига 32-марта эришиш учун «Барселона» Испания кубогини 26-марта қўлга киритишидан кўра яқинроқ бўлади, деди НТВ+ каналида «Осасуна»-«Барселона» ўйинини шарҳлаган Василий Уткин.

Дарҳақиқат, ушбу мавсумда сафар учрашувларини ўта ёмон ўтказаётган «Барсалона» ўз мухлислари қўрқиб турган ҳодисани содир қилди – «Осасуна»га ютқазиб қўйди.

Учрашувнинг биринчи бўлими да мезбонлар тезкор гол киритишди ва 2:0 ҳисобида танаффусга чиқилди. «Осасуна»нинг сербиялик легионери Деян Лекич дубль соҳиби бўлди. Хави, Иньеста ва Фабрегасини асосий таркибга киритмасдан, асосан захирадан майдонга тушувчи Маскерано, шунингдек, Альканата, Серхио Роберто каби ёшларга таянган «Барселона»нинг ўйини чиқмади.

Иккинчи бўлимда ҳам Фабрегасни ҳисобга олмаганда қайсар Гвардиола Куэнка ва Телло каби ёшларни майдонга туширди. Бироқ бу ўзгартиришларнинг таъсири сал сезилди. Иккинчи бўлимнинг 6-дақиқасида Алексис Санчес томонидан киритилган жавоб тўпи ҳам ўйинда бурилиш ясаши мумкин эди. Бироқ орадан 5 дақиқа ўтмасдан «Осасуна» яна гол киритди. 73-дақиқада Теллонинг киритган голидан сўнг, мезбонлар дарвозаси қамал қилинди. Бу вазиятда ҳам мезбонлар яна 2 марта 100 фоизлик вазият юзага келтиришди.

Энди агар эртага «Реал» «Леванте» устидан ғалаба қозонгудек бўлса, фаворитлар очкоси орасидаги фарқ 10 тага етади, бу эса «Барселона»ни амалда чемпионлик курашидан чиқиб кетганини билдиради.

ОСАСУНА – БАРСЕЛОНА 3:2 (2:0)
Голлар: Лекич (4, 22), Р. Гарсия (56) – Санчес (51), Телло (73).
ОСАСУНА: А. Фернандес, Бертран, С. Фернандес, М. Фланьо, Райтала, Пуньяль, Некунам, Р. Гарсия (Дамиа, 89), Сехудо, Нино (Лоло, 77), Лекич (Бальде, 71).
БАРСЕЛОНА: Вальдес, Дани Алвес, Пике (Фабрегас, 71), Пуйоль (Куэнка, 46), Абидаль, Маскерано, Алькантара, С. Роберто, Санчес, Педро (Телло, 46), Месси.
Огоҳлантиришлар: Р. Гарсия (61), Пуньяль (70) — С. Роберто (16), Санчес (36), Дани Алвес (57), Вальдес (85), Маскерано (90)