"Эвертон" клуби трансферлар ойнаси якунига етмасидан олдин "Арсенал" футболчиси Эйнсли Мейтленд-Найлзни ижарага олмоқчи. Ишончли манбалар хабарига кўра, 23 ёшли инглиз Рафа Бенитезни эътиборига тушган.
Лондон клуби ҳам бир нечта футболчилари сингари Найлзни ҳам қўйиб юборишга қарши эмас. Ҳимоячи ўтган мавсумнинг иккинчи қисмини "Вест Бром"да ижарада ўтказган. У ижарада асосан марказий ҳимояга қўйилган бўлса ҳам аслида ўнг қанот ҳимоячиси ҳисобланади.
"Эвертон" устози Бенитез ҳам айнан ўнг қанот мудофааси учун яхши ўйинчи изламоқда. Футболчи Лондонда 2023 йилгача бўлиши кўзда тутилган. Аввалроқ Мейтленд-Найлзга "Лестер" қизиқиш билдиргани ҳақида хабарлар тарқалган эди.
