Англия терма жамоаси яримҳимоячиси Мейсон Маунт матбуот анжуманларидан бирида терма жамоа футболчиларининг Евро-2020дан кейинги ҳолати ҳақида гапирди.
«Челси» футболчиси янги мавсумга тайёргарлик кўриш руҳий томонлама жуда қийин бўлганини таъкидлади.
Аммо инглизнинг сўзларига кўра, футболчилар финалдаги мағлубиятдан сўнг керакли хулосани чиқаришган.
«Европа чемпионати финалидаги мағлубиятдан кейин биз янада кучлироқ бўлдик деб айта оламан, бир жамоа бўлиб йиғилдик. Ўйлайманки, бизнинг барча юксак ютуқларимиз ҳали олдинда»,-дейди Маунт.
Эътиборлиси, Англия Қатарда бўлиб ўтадиган Жаҳон чемпионатига деярли йўлланмани нақд қилган, жамоа саралаш баҳсларининг тўртта ўйинидан барчасида ғалаба қозонди.
