«Манчестер Юнайтед» бош мураббийи Алекс Фергюсон 2009 йилда Карлос Тевесга тегишли трансфер ҳуқуқларини клуб нега сотиб ололмаганига тушунтириш бериб ўтди.

«Карлос Тевес — катта ўйин учун яралган инсон. Бу масалада ҳеч қандай савол бўлиши мумкин эмас. У аввал «Вест Ҳэм»да ажойиб тўп сурди, кейин — бизда.

Биз уни икки йилга ижарага олдик, пулини тўладик. Бизда унинг трансферини сотиб олиш имконияти бор эди. Лекин ўша пайтда клуб жуда секин ҳаракат қилди. Оқибатда ишлар бошқача кўриниш олди. У «Манчестер Сити» ихтиёрига ўтди», — дея Фергюсон сўзларидан иқтибос келтиради BBC Radio 5 Live.