Лондонниннг "Челси" жамоаси бош мураббийи Андре Виллаш-Боаш "Наполи"дан учралган мағлубиятга изоҳ берар экан. барчасини индивидуал ҳатолар ҳал қилганини таъкидлаб ўтди, Португалиялик мутаҳассиснинг фикрича, "Челси" ўзининг йўл қўйган хатолари учун муносиб жазоланган. 

"Ҳисоб очилгандан кейин бизда яна бир нечта қулай имкониятлар бўлди, аммо улардан фойдалана олмадик. Рақиб ҳужумчиларига эса имкон бермаслик керак эди. "Наполи"нинг ҳужум чизиғи жуда кучли эканлигини ҳисобга олиб айтиш керакки, уларнинг голи бизнинг ҳатоларимизнинг мантиқий якуни бўлди. Танаффус арафасида ўтказиб юборилган гол шогирдларимга рухан таъсир қилди". Дарвозамизга киритилган учинчи гол эса умуман ортиқча бўлди", дейди Виллаш-Боаш.

"Битта гол фарқи билан мағлубиятга учрасак ҳам, бу ёмон натижа бўлмасди. Битта гол фарқини ўз майдонингда йўққа чиқариш бир мунча осонроқ. Иккита гол фарқини йўққа чиқариш эса бироз қийин. Аммо буни уддаласа бўлади. Барчаси ўзимизга боғлиқ. "Стэмфорд Бридж"да бизга жуда қийин бўлади. Биз жавоб ўйинида юзага келган имкониятлардан максимал фойдаланишимиз керак. Акс ҳолда жамоамизга жуда қийин бўлади. "Наполи" нафақат ҳужумда, балки ҳимояда ҳам ажойиб ўйин кўрсата оладиган жамоа".

"Мен ҳар қандай ҳолатда ҳам барча айбни ўз зиммамга оламан. Олдинда бизни яна 90 дақиқа ўйин кутиб турибди. Ҳаммаси ўз қўлимизда. Шогирдларимга ишонаман. Қарамақаршилик ўз ниҳоясига етгани йўқ. Барчаси Лондонда, "Стемфорд Бридж"да ҳал бўлади".дея Виллаш-Боашнинг сўзларидан парча келтирмоқда. Sky Sports.