Валентин Коваленко бошчилигидаги ўзбекистонлик ҳакамлар бригадаси Лондон-2012 саралаши III босқич 6-туридан ўрин олган Жанубий Корея ва Қатар олимпия терма жамоалари ўртасидаги ўйинни бошқариб боради.

ФИФА бу ҳақда аввал хабар қилган бўлсада, ташкилотнинг сўнгги хатида тўртинчи ҳакам ўзгаргани маълум қилинди. Энди бу вазифани ҳиндистонлик Рован Арумуган бажаради. Олдинроқ эса тўртинчи ҳакам этиб ўзбекистонлик Виктор Серазитдинов тайинланганди. Коваленкога эса қанотларда Рафаель Илёсов ва Маъмур Саидқосимов кўмаклашади. Учрашув комиссари хитойлик Хиао Лонг Ма.

Маълумот ўрнида айтиш керакки, сўнгги тур натижасидан қатъий назар Жанубий Корея терма жамоаси қитъа мамлакатлари орасида биринчи бўлиб Лондон-2012 чиптасини қўлга киритиб бўлган. Қатар учун эса сўнгги тур жуда муҳим. Омандан 1 очко ортда қолаётган қатарликлар иккинчи ўрин учун курашни давом эттиришмоқда.

Олимпиада-2012 3-саралаш босқичи
«А» гуруҳи, 6-тур учрашуви
ЖАНУБИЙ КОРЕЯ – ҚАТАР
Бош ҳакам: Валентин Коваленко (Ўзбекистон).
Ёрдамчи ҳакамлар: Рафаэль Илёсов, Маъмур Саидқосимов (иккиси ҳам — Ўзбекистон).
Тўртинчи ҳакам: Рован Арумуган (Ҳиндистон).
Инспектор: Шиничиро Обата (Япония).
Комиссар: Хиао Лонг Ма (Хитой).