Германия чемпионатининг 6-турига старт берилди. Турнинг илк учрашуви «Гройтер» ва «Бавария» ўртасида бўлиб ўтди.

Мюнхенликлар бу сафар ҳам катта қийинчиликка дуч келишмади. Улар биринчи таймда рақиб дарвозасини икки марта ишғол қилишди. Иккинчи бўлим бошида Бенжамин Павар майдонаҳдан четлатилганига қарамай, бўлим ўрталарида меҳмонлар учинчи гол уришга муваффақ бўлишди. Мезбонлар эса ўйин сўнгида битта жавоб тўпини киритишди. «Бавария»нинг голларига Мюллер, Киммих муаллифлик қилишди. Битта голни эса майдон эгалари ярим ҳимоячиси Грисбек ўз дарвозасига уриб қўйди.

Ушбу ғалабадан сўнг Нагельсманн жамоаси 16 очко билан пешқадамлик қилишда давом этади.

Германия чемпионати, 6-тур
Гройтер – Бавария 1:3 (0:2, 1:1)
Голлар: 0:1 – 10 Мюллер, 0:2 – 31 Киммих, 0:3 – 68, автогол Грисбек, 1:3 – 87 Иттен.
Гройтер – Бурхерт, Майерхефер, Бауэр, Виргевер, Виллемс (Барри, 76), Грисбек (Тилльманн, 76), Зегуин, Грин (Левелинг, 86), Нильсен (Абиама, 67), Хргота (Иттен, 76), Дудзяк.
Бавария – Нойер, Зюле (Станишич, 87), Упамекано, Эрнандес, Павар, Горетцка (Мусиала, 87), Киммих, Мюллер (Гнабри, 76), Сане (Забитцер, 61), Дэвис, Левандовски.
Огоҳлантиришлар: Хргота (20), Сане (44), Виргевер (53), Абиама (67), Барри (83).
Четлатиш: Павар (48).