Абдусалом Азизов ва Равшан Эрматов ўз лавозимида қолди. ЎФАнинг Ҳисобот-сайлов конгрессидан асосий маълумотлар

Ўзбекистон футбол ассоциациясининг (ЎФА) навбатдаги Ҳисобот-сайлов конгресси 25 сентябрь куни бўлиб ўтди.

Тадбирни ЎФА Бош котиби Аваз Мақсумов очиб берди ва кун тартибидаги масалаларига тўхталиб ўтди:

I. Ўзбекистон футбол ассоциацияси 2021 йил 19 июнда ўтказилган навбатдан ташқари конгресс баёнини тасдиқлаш.
II. Ўзбекистон футбол ассоциациясининг тасдиқланган Уставига асосан мустақил қўмиталар ва юрисдиксия органларини фаолиятини самарали ташкил этиш тўғрисида.
III. Молиявий ҳисобот ва йиллик ҳисоботни ўз ичига олган йиллик аудиторлик ҳисоботни тасдиқлаш.
IV. Ўзбекистон футбол ассоциацияси фаолияти тўғрисидаги ҳисоботи.
V. Ўзбекистон футбол ассоциацияси президенти, вице-президентлари ва Ижроия қўмита аъзоларини сайлаш каби масалалар кўриб чиқилди.
Дастлаб, Ўзбекистон футбол ассоциацияси Уставининг 32-моддасига асосан конгресснинг маъмурий масалаларини амалга ошириш учун конгресс саноқ комиссияси ва конгресс баённомасини тузилишини назорат қилиш гуруҳлари сайлаб олинди.

Саноқ комиссияси учун Фарғона вилояти футбол ассоциацияси биринчи вице-президенти Носир Отақўзиев ва Навоий футбол ассоциацияси биринчи вице-президенти Дилмурод Давронов номзоди илгари сурилди. Делегатлар бир овоздан номзодларни тасдиқлади.

Конгресс баённомасининг тузилишини назорат қилувчи гуруҳ аъзолигига эса Тошкент шаҳар футбол ассоциацияси бош котиби Нодирхўжа Йўлдошев ва Тошкент вилояти футбол ассоциацияси биринчи вице-президенти Асқар Жадигеров номзодлари қўйилди. Делегатлар бир овоздан номзодларни тасдиқлади.

Шундан сўнг Ҳисобот-сайлов конгресси раиси Ҳабибулла Мирзахонов сўзга чиқди.

"Ҳурматли конгресс қатнашчилари, ҳурматли делегатлар, Ўзбекистон футбол ассостиацияси Уставига асосан 2021 йил 25 сентябрда ассоциациянинг навбатдаги Ҳисобот-сайлов конгрессини ўтказиш учун ЎФАнинг 2021 йилдан 2025 йилгача бўлган муддатга ЎФА президенти, ЎФА биринчи вице-президенти, ЎФА вице-президентлигига иккита номзодлар кўриб чиқилади.

45 та аъзо ташкилот ЎФА президенти лавозимига Абдусалом Азизов номзодини илгари сурган, 42 та аъзо ташкилот эса ЎФА биринчи вице-президенти лавозимига Равшан Эрматов номзодини илгари сурган. Шу боис Абдусалом Азизов ва Равшан Эрматовни яна бир бор ўз лавозимларига қайта сайланганлари билан табриклайман".

Шу тариқа Абдусалом Азизов ЎФА президенти, Равшан Эрматов эса ташкилот вице-президентлигига қайта сайланди.

Шунингдек, Ҳисобот-сайлов конгресси раиси Ҳабибулла Мирзахонов ЎФА вице-президентлигига 6 номзоддан 5 нафари ўз номзодини қайтиб олгани, фақатгина бир номзод Азизбек Икрамов қолгани ва яна бир вице-президент кейинги сайловда аниқланишини айтиб ўтди.

Бундан ташқари, ЎФА Ижроия қўмита 9 та аъзолигига қуйидагилар сайланди: Эдита Миробидова, Абдужаббор Абдувоҳидов, Тўлаган Исоқов, Жаҳонгир Усманов.

Тадбир сўнгида ЎФА президенти Абдусалом Азизов сўзга чиқиб, ташкилот олдида турган асосий мақсадлар ҳақида гапирди.

"Аввало, ишонч билдириб, ассоциация президентлигига навбатдаги муддатга сайлаганингиз учун миннатдорчилик билдирмоқчиман. Ўйлайманки, биргаликда Ўзбекистон футболчи учун хизмат қиламиз. Албатта, футбол бутун жаҳонда биринчи рақамли спорт тури. Ўзбекистонда ҳам кейинги икки йил мобайнида ФИФА, ОФК билан ҳамкорликда футболни ривожлантиришга маълум бир қадамлар қўйдик. Охирги икки йилдаги олиб борилган ишларнинг барчасини қониқарли деб айтолмаймиз. Миллий терма жамоамиз Жаҳон Чемпионатига чиқа олмагани, бизнинг жуда катта камчилигимиз борлигини кўрсатяпти. Олдимизда болалар, аёллар футболини ривожлантириш, клублар академияларига эътибор қаратиш, чемпионатни савиясини янада кўтариш, футбол жамоалари атрофида бўлаётган қинғир ишларни батамом илдизи билан суғуриб ташлаш масалалари турибди. Энг катта мақсадимиз — Олимпия терма жамоамизни Парижда бўлиб ўтадиган Олимпиадага ва футбол бўйича миллий терма жамоамизнинг Жаҳон Чемпионатига йўлланма олиши бўлиб турибди.

Жаҳон Чемпионатига чиқиш масаласига бу сафар жиддий ёндашдик. Илк бор терма жамоа мураббийлар штабининг барча аъзолари чет элликлардан иборат бўлди. Сречко Катанец ўз ишига масъулият билан ёндашяпти. Барчамиз биргаликда ҳаракат қилсак, вазифани бажарамиз. Кўп ҳолатларда бирлик етишмайди. Мураббийлар штабини қўлласак, жойларда футболчиларга шароитни яратиб берсак, албатта, натижага эриша оламиз", — деди Абдусалом Азизов.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

21/12 00:45	Верона	0-1	Милан
21/12 01:00	Жирона	3-0	Вальядолид
21/12 17:30	Астон Вилла	2-1	Манчестер Сити
21/12 18:00	Хетафе	0-1	Мальорка
21/12 19:00	Торино	0-2	Болонья
21/12 20:00	Брентфорд	0-2	Ноттингем Форест
21/12 20:00	Ипсвич	0-4	Ньюкасл
21/12 20:00	Вест Хэм	1-1	Брайтон
21/12 20:15	Сельта	2-0	Реал Сосьедад
21/12 22:00	Женоа	1-2	Наполи
21/12 22:30	Кристал Пэлас	1-5	Арсенал
21/12 22:30	Осасуна	1-2	Атлетик Бильбао
22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	-	Алавес
22/12 19:00	Фулхэм	-	Саутгемптон
22/12 19:00	Лестер	-	Вулверхэмптон
22/12 19:00	Ман. Юнайтед	-	Борнмут
22/12 19:00	Эвертон	-	Челси
22/12 19:00	Венеция	-	Кальяри
22/12 20:15	Реал Мадрид	-	Севилья
22/12 21:30	Тоттенхэм	-	Ливерпуль
22/12 22:00	Аталанта	-	Эмполи
22/12 22:30	Леганес	-	Вильярреал
22/12 22:30	Лас-Пальмас	-	Эспаньол
23/12 00:45	Монца	-	Ювентус
23/12 01:00	Бетис	-	Райо Вальекано
23/12 22:30	Фиорентина	-	Удинезе

Абдусалом Азизов ва Равшан Эрматов ўз лавозимида қолди. ЎФАнинг Ҳисобот-сайлов конгрессидан асосий маълумотлар

ЭНГ КЎП ЎҚИЛГАН ЯНГИЛИКЛАР