Италия чемпионатининг 6-туридан ўрин олган марказий баҳс – Рим дербисида “Лацио” “Рома”ни 3:2 ҳисобида мағлуб этишга муваффақ бўлди.
“Бўрилар” сафида Элдор Шомуродов ўйинга 64-дақиқада захирадан қўшилди.
Натижада “Лацио” очколари сонини 11 тага етказиб, 6-ўринга кўтарилиб олди. 12 очкога эга “Рома” эса 4-поғонада қолди.
Элдор Шомуродов майдондан ташқарида ҳам ғолиблик учун курашди. Ўтган ҳафтада ОФК томонидан “Ҳафтанинг энг яхши осиёлик футболчиси” сўровномаси ўтказилган бўлиб, якшанба куни ниҳоясига етган овоз бериш якунларига кўра, Элдор жами овозларнинг 29,69 фоизига эга чиқиб 2-ўринни эгаллади.
“Порту” клуби ва Эрон миллий жамоаси форварди Меҳди Тареми эса 42,26 фоиз овоз билан ОФК томонидан ҳафтанинг осиёлик энг яхши ўйинчиси, деб топилди.
