Хабарингиз бор, Халқаро Паралимпия қўмитаси президенти Эндрю Парсонс Ўзбекистонга ташриф буюрди.
Мартабали меҳмон ташрифнинг илк кунида пойтахтимизда жойлашган Темурийлар давлат музейига борди. Парсонс жаноблари музейни синчковлик билан кўздан кечирди ва ҳар бир нуқтасини бориб кўрди.
Музейдаги суратлар, тарихий китоблар ва айниқса Темурийлар даврига оид нодир экспонатлар Халқаро Паралимпия қўмитаси президентида катта таассурот қолдирди.
Халқаро Паралимпия қўмитаси президенти Эндрю Парсонснинг Ўзбекистонга ташрифи давом этмоқда.