«Барселона» Лионель Мессисиз биринчи мавсумини жуда ёмон бошлади. Ҳамма Роналдь Куманнинг истеъфосини кутмоқда, бу тез орада бўлиши керак. Stadion.uz сайти клубдаги вазиятни бироз таҳлил қилиб кўришга уриниб кўрди.
Шанба куни Испания чемпионатида супер ўйин бўлиб ўтади. Мадридда амалдаги чемпион «Атлетико» «Барселона»ни қабул қилади. Катта эҳтимол билан, бу учрашув Роналдь Куман учун «кўк-анорранглилар» устози сифатида охирги учрашув бўлади. Бундан ташқари, нидерландиялик мураббий дисквалификация қилинган, шунинг учун у яна майдон четида ҳам бўлолмайди. Тўғри, бу қай даражада каталонияликлар ўйини учун қай даражада таъсир қилиши номаълум.
Ҳамма «Барселона»нинг Лионель Мессисиз биринчи мавсуми, қачон содир бўлган бўлса ҳам, жуда қийин бўлишини тушинарди. Бироқ, ҳеч ким каталонияликларнинг узоқ йиллик етакчиси жамодан кетса, бу қадар оғир вазиятга тушиб қолишини кутмаганди. Испания чемпионатида каталонияликлар ҳозирда олтинчи, йўқотилган очколар бўйича эса тўртинчи ўринда. Пешқадам «Реал» билан очколар бўйича фарқ кичик бўлсада, лекин ўйин жиҳатидан «қаймоқлилар» анча кучлироқ кўринишмоқда. Каталонияликлар Чемпионлар лигаси ҳақида умуман эслашни хоҳламаяптилар. «Бавария»га қарши 0:3 ҳисобини мухлислар қабул қила олишди, лекин «Бенфика»дан учралган мағлубиятни қабул қилиб бўлмайди.
Қизиғи шундаки, «Барселона» барча молиявий қийинчиликларга қарамай, Куманга Мессини йўқотиш жамоага камроқ зарар келтириши учун ҳамма шароитларни қилди. Унга бир йилдан бери сўраб келаётган Мемфис Депай ва Люк де Йонгни жамоага олиб келишди. Куман бу мавсумда «Барселона»ни Нидерландия терма жамоаси футболчилари билан қайта қуриши мумкин эди. Бироқ, ҳозирча на яхши қурилган ўйин, на истиқбол кўринади.
Куманнинг ўзи ҳам жамоани олдинга етаклай олмаётганини тушунди. Унинг асабийлашиши ва ғалати матбуот анжуманлари вазият нидерландияликнинг назоратидан чиқиб кетганини таъкидлайди. Куман, сузиб етиши мумкин бўлган масофани босиб ўтди. «Барселона» барча турнирлардаги сўнгги олтита учрашувда фақат бир марта ғалаба қозонганини, ҳатто «Гранада» ва «Кадис» билан ҳам очколарни баҳам кўраётганига қарасак, мураббийнинг аҳволини тушуниш мумкин.
Бундай вазиятда кетма-кет муваффақиятли учрашувлар уни қутқариб қолиши мумкин эди, лекин ҳозирда каталонияликларнинг тақвими жуда мураккаб: «Атлетико», «Валенсия», «Динамо» Киев ва «Реал». «Барселона»нинг ҳозирги ҳолатига назар ташласак, бир нарсани ишонч билан айтиш мумкинки, Роналдь Куман «класико»гача етиб бормайди. Эҳтимол, бу «Барселона» учун яхшиликкадир.
«Барселона» кадрлар билан боғлиқ қийинчиликларини бошидан кечираётгани аниқ. Шу билан бирга, Куман жамоанинг ва унинг ихтиёрида бўлган футболчиларнинг имкониятларини ҳам тоғри баҳолай олмаяпти. Каталонияликлар ҳар қандай ҳолатда ҳам «Гранада», «Кадис» ва «Бенфика»ни мағлуб этишлари керак эди. Бу «жанглар»даги омадсизликлар аниқ мураббий хатолари билан боғлиқ.
Албатта, ҳаммани бир савол қийнамоқда, Куман ўрнини ким эгаллаши мумкин? Юрген Клопп ҳақидаги миш-мишларга ишонишнинг маъноси йўқ, айниқса, немис мавсум ўрталарида «Ливерпуль»ни тарк этишини сиз ҳам тасаввур қила олмайсиз. Тьери Анри «Монако» бошқарувидаги тажрибасидан сўнг, уни «Барселона»га яқинлашишига йўл қўймаслик керак. Хави нажот фариштаси бўлиши ҳам даргумон. Эҳтимол, у мураббий сифатида иқтидорлидир, лекин яна, ёш мутахассисни чўкаётган кемани қутқариш учун қолдириш жуда хавфли қадамдир. Балки Роберто Мартинес мос вариант бўларди, лекин шуни тушуниш керакки, у беш йил давомида клуб миқёсида ишламаган, Бельгия терма жамоаси ҳам сўнгги йилларда Мартинесни ишдан бўшатиш учун сабаб кўрмайди.
Кўриниб турибдики, ҳозирги «Барселона» учун идеал мураббий ... Зинедин Зидан. «Реал»даги француз ҳар қандай муаммо билан ҳар қандай таркибда қандай муваффақият қозониш мумкинлигини кўрсатди. Зидан нима бўлишидан қатъи назар, ҳар сафар мослашишга ва ғалаба қозонишга муваффақ бўлди. Бироқ, француз ҳеч қачон «Барселона»ни бошқармаслиги аниқ.
Катта эҳтимол билан шанба куни «Атлетико» «Барселона»ни мағлуб этади ва Куман ишдан бўшатилади. Шу билан бирга, мавсум охиригача каталонияликларни вақтинчалик мутахассис бошқариши мумкин, бу мавсумни шунчаки тугатиш учун, ва келаси ёзда янги юқори малакали мутахассисни топиш мумкин бўлади.
Нима бўлган ҳолатда ҳам ҳар қанаду буюк клуб тарихига назар солар экансиз, унда қора чизиқлар борлигига гувоҳ бўласиз. «Барселона» ҳозир айнан шундай қора кунларни бошдан кечирмоқда. Бундай вазиятда мухлислар қўллаб-қувватлаши ҳар қачонгидан муҳимдир. Футболни севинг, «Барселона»ни севинг!
Руслан Максимов тайёрлади.
