Бугун «Навбаҳор» Тошкентдаги йиғин доирасида навбатдаги ўртоқлик учрашувини ўтказди. Бу галги рақиб Қозоғистон биринчи лигаси вакили Темиртаунинг «Булат» жамоаси бўлди. Бу ҳақда клуб мухлислар сайти хабар тарқатмоқда.

Қизиқарли кечган учрашувнинг биринчи бўлимида дарвозалар даҳлсиз қолди. Лекин гол киритиш учун ҳар икки жамоада ҳам қулай имкониятлар юзага келганди. Иккинчи бўлимни наманганликлар устунлик билан бошлашди. Бу эса тез орада ўз самарасини берди. Бўлим ўрталарида Артурас Фоменко томонидан киритилган гол жамоага ғалаба келтирди. Мазкур баҳсда кўпгина футболчиларда жароҳат борлиги боис учрашувда майдонга тушишмади, шу жумладан Алишер Маҳмудов ҳам. Азимжон Аҳмедов эса Алексей Евстафеев бошлиқ терма жамоа йиғинида иштирок этмоқда.

Шунингдек жамоа таркибида бир қатор ўзгаришлар бўлганини такидлаш жоиз. Куни кеча таркибга қўшилган Руфат Исроиловга дарҳол жавоб берилган бўлса, «Нефтчи» футболчиси Азиз Ибрагимов бугун жамоа машғулотларида иштирок эта бошлади.

«НАВБАҲОР» – «БУЛАТ» 1:0
Гол: Артурас Фоменко

«Навбаҳор»: Денис Романенко, Тимур Султонов, Виталий Почуев, Роман Гаркуша, Абдумажид Тоиров, Ғайрат Жўраев, Санжар Асқаралиев, Владимир Кониленко, Илҳом Бойдедаев, Абдулазиз Султонов, Артурас Фоменко.
Захирадан тушганлар: Ботир Носиров, Дурбек Умаралиев, Максим Белих, Қаҳрамон Муҳамммаджонов, Собир Ҳамидов, Анвар Раҳимов, Элмурод Низомбоев, Зоҳид Раупов, Азиз Ибрагимов, Абдумалик Абдуллаев.