"ПСЖ" футболчиси Килиан Мбаппе клубда қолишига Мессининг ҳеч қандай алоқаси йўқлигини таъкидлади. У шунчаки ўз жамоасига ўзига ўринбосар топиши учун имкон беришни истаган.
Футболчининг ўзи бу ҳақда шундай дейди: "Мен Мессининг келиши сабаб ўз қароримни ўзгартирганим йўқ. Тўғри, Месси буюк футболчи, у билан ўйнаш шараф, албатта. Лекин мен тўсатдан қилинган ҳаракатлар сабаб қарорлар қилмайман. Мен қолиш ҳақида кўп ўйладим. Бу узоқ ўйлаб кейин қабул қилинган қарор. Бор гап шу".
Мбаппе ва унинг Франция термаси бу ҳафта Миллатлар лигаси турнири доирасида Бельгияга қарши баҳс юритади.
