«Арсенал» Россиянинг «Зенит» клуби ҳужумчиси Сардар Азмун транфсерига қизиқиш билан қарамоқда. Лондонликлар Ляказетт ўрнини эронлик билан тўлдириш ниятида.
Александр Ляказеттнинг шартномаси мавсум якунида тугайди. Ҳозирда иқтидорли француз учун Европанинг бир нечта клублари курашга кириши кутилмоқда. Шулардан бири «Атлетико»дир.
Мадрид клуби Ляказетт масаласини январь ойида ҳал қилишга умид қилмоқда. Азмун эса айнан марказий ҳужум учун идеал вариант ҳисобланади. У ўтган мавсумда 19 та гол уришга муваффақ бўлган ва Россия чемпионлигини қўлга киритган эди.