Мадриднинг «Реал» клуби бош мураббийи Жозе Моуриньо «Райо Вальекано»га қарши Испания Ла-Лигаси 25 тури доирасида ўтган ва 1:0 ҳисобида «қаймоқранглилар» фойдасига ҳал бўлган учрашувни изоҳлади.

«»Райо Вальекано»га қарши ўйинда очко йўқотиш осон. Улар фантастик ўйин ўтказишди ва мағлубиятга асло лойиқ эмасдилар, бироқ одамлдар «Реал» ёмон ўйнади» дейишларига ҳам асос йўқ. Шунчаки, «Райо Вальекано» ажойиб ўйин кўрсатди.

Мен ушбу ўйинда уч очко қўлга киритилганидан хурсандман, чунки чемпионат алоҳида олинган бир ўйинда эмас, ўйиндан ўйинга қўлга киритилган очколарга қараб ютилади. Мураббийи жуда ёқадиган жамоага қарши яхши тайёрланганимиз кўриниб турибди.

Сандоваль ўйин охирида ҳужумкор футболчиларни майдонга тушириб, таваккалчиликка йўл қўйди, шу сабабли ғалаба янада ширин кўринмоқда. Умид қиламанки, «Райо Вальекано» худди шу тарзда ўйнашда давом этади, чунки мавсум улар учун яхши келмоқда», – деган Моуриньо «Реал»нинг расмий сайтига.