«Пахтакор» футбол клуби бош директори Дмитрий Адисман Ўзбекистон U-14 чемпионати ҳақида фикр билдирди.

«Чемпионатнинг ташкилотчилик даражасини барча юқори баҳоламоқда. «Чиғатой» стадионида иккита ўйинни кузатдим.

Футболчилар ёш бўлишига қарамасдан жуда ҳам муросасиз ўйин кўрсатишди. «Одил-Жуниор» жамоасини алоҳида таъкидлаган бўлардим, яхши ўйинчилари талайгина.

Ушбу чемпионатда иштирок этган барча футболчилар келажакда Олимпия, қолаверса миллий терма жамоа футболчилари бўлиши мумкин.

Клублар раҳбарияти болалар футболига кўпроқ эътибор қаратишлари лозим. Турнирлар сонини ва сифатини ошириш лозим. Халқаро тажрибани ҳам ошириш зарур. Бу болаларда ёшликдан жамоа учун жавобгарлик ҳиссини уйғотади, дунёқараши кенгаяди, ватанпарварлик ҳиси ошади. Жисмоний тайёргарликни ҳам эсдан чиқармаслик керак.

Хулоса қилиб айтганда, Ўзбекистон U-14 чемпионати каби турнирларни кўпайтириш — ўзбек футболи келажаги ҳақида қайғуришдир. Бу борада ЎзПФЛ олдинга катта қадам ташлади», — дейди Адисман.