Хабарингиз бор, Чемпионлар Лигаси гуруҳ босқич 3-тури доирасида «Аякс» ўз майдонида Дортмунднинг «Боруссия» клубини қабул қилди ва йирик 4:0 ҳисобида ғалаба қозонди.
Макзур учрашувдан кейин дортмундликлар етакчиси Марко Ройс ўз фикрларини билдирди.
«Аякс»да кўплаб вазиятлар бўлди ва уларнинг аксариятидан фойдалана олди. Биринчи гол менинг айбим билан юзага келди. Тўп узатишда нотўғри қарор қабул қилдим. Шунга қарамай, Эрлингда ҳам гол уриш учун жуда яхши вазиятлар бўлди. Назаримда ўйин жуда ҳам очиқ ўтди ва бугун «Аякс» биздан яхшироқ эди.
Етарли даражада шижоат кўрсата олмадик ва шу ерда эканлигимизни билдира олмадик. Бугун биз учун муаммо ва тасаввур қилганимиздан кўра бошқача бўлди. Тўғри сўзларни топиш қийин ва ўзимизга келиб олишимиз лозим. Аммо, «Аякс»нинг урган голлари ва енгил ўйин кўрсатганига яхшилаб эътибор беришимиз керак".
"Боруссия Дортмунд" бош мураббийи Марко Роуз: "4:0 ҳисобида мағлуб бўлган кунингиз доим ёмон ўтган ҳисобланади. Биринчи бўлимдан кейин танаффусда йигитларга ўйинни яхши бошлаганимизни айтдим. Факт шуки, «Аякс» яхши жамоа ва яратган вазиятлари аниқ эди. Лекин, бизнинг 2:0 даги ҳолатимиз, аллақачон 4:0 га ютқазиб бўлганимизни айтиб турарди.
Чиндан ҳам кучли жамоага қарши ўйинда уч ёки тўрт марта хавфли вазиятга эга бўлдик ва учинчисида яхшироқ ҳаракат қилганимизда вазият яхшиланарди. Уларнинг дарвозабони шунчаки фантастик ўйин кўрсатди ва «Аякс» муносиб ғалабага эришди. Улар қаерда кўпроқ ишлашимиз кераклигини кўрсатиб беришди ва бунга интиламиз".
«Аякс» бош мураббийи Эрик тен Хаг: "Албатта, жамоамдан жуда ҳам фахрланаман. Фантастик ўйин намойиш этдик ва ажойиб футбол ўйнадик. Ҳужум қилишни истайдиган икки жамоа учрашганида, жуда ҳам очиқ ўйин бўлади, худди бугун биз ютган ўйин каби.
Бугун ўйиндаги асосий вазифаларимиздан бири бу тўпни яхши назорат қилиш эди. Бу борада ўйинчиларимга гап бўлиши мумкин эмас ва жуда ҳам кўплаб вазиятлар яратдик. Мени энг кўп хурсанд қилган нарса - бу босим қилган услубимиз. Ажойиб футбол билан ғалаба қозонганимиздан хурсандман, бироқ яна уч учрашувда майдонга тушишимиз керак".
«Аякс»нинг собиқ ярим ҳимоячиси Рафаэл ван дер Варт: "Бу балки ушбу стадиондаги энг яхши кечалардан бири бўлди. Жуда ҳам яхши клуб - «Дортмунд»ни янчиб ташлашди. 90 дақиқа давомида этим жимирлаб кетди".
«Аякс» ярим ҳимоячиси Стивен Бергейс: "Биринчи бўлимда тўп билан жуда яхши муомалада бўлдик. Кўплаб вазиятлар содир этдик, яхши комбинациялар уюштирдик ва ўйинга чуқур киришдик. Тўпни тезда йўқотиб қўймаслик учун ҳаракат қилдик, боиси агар шундай бўлса тизгин уларнинг қўлига ўтиб кетарди. Унинг ўрнига узоқ вақт тўпни ўзимизда ушлаб турдик ва бу уларни заифлаштирди".
