Дортмунднинг «Боруссия» клуби Европанинг топ жамоалари қизиқиш билдираётган яримҳимоячиси Жуд Беллингемга нарх белгилади. Anfield Watch нашрининг твиттердаги саҳифасида тарқалган хабарга кўра, «асаларилар» иқтидорли вингерни 120 миллион евро таклиф қилсагина, қўйиб юборишини маълум қилган.
Олдинроқ Беллингемга «Манчестер Сити», «Манчестер Юнайтед» ва «Ливерпуль»дан қизиқиш борлиги ҳақида хабарлар тарқалган эди.
Жорий мавсумда Жуд 9 ўйинда иккита гол урди ва иккита голли узатмани амалга оширди. Унинг дортмундликлар билан шартномаси 2025 йилнинг ёзида якунига етади.