Собиқ АПЛ ҳужумчиси ва футбол мутахассиси Ноель Уилан "Арсенал" вакили Нкетиа ҳақида фикр билдирди. У "Football Insider" нашрига шундай дейди:
"Менимча, Нкетиага "Кристал Пелас" жиддий эътибор бериши керак. У ёш футболчи. Патрик Виейрага Нкетианинг ўйин услуби жуда ёқади. Ҳозирги футболда яхши бўлиш учун албатта ёшларга эътибор бериш керак. Нкетиа жамоа футболига мос келади. Қолаверса, Виейра ҳам "Кристал Пелас"ни ўзгартиришда ёш футболчилар ўрнини яхши билади".
Бу мавсумда "бургутлар" ёшлардан иборат бўлган бир гуруҳ футболчиларни жамоага таклиф этган эди. Конор Галлагер, Марк Гехи ҳамда Одсонн Эдуар шулар жумласидандир.
