"Арсенал" ўз академияси тарбияланувчиси Даниел Баллардни жамоага қайтариш ниятида. 22 ёшли ҳимоячи ҳозирда Чемпионшип вакили "Миллуолл" клубида ижара асосида тўп сурмоқда.
Унинг келажаги "Арсенал" билан боғланган. Бу ҳақда клуб ёшлари мураббийи Кин Гиллард шундай дейди:
"Баллард ҳақиқий талантли йигит. Унинг ўсиши жуда тез рўй бермоқда. Унинг ҳаракатларидан профессионализм сезилиб туради. У ўтган мавсумни "Блекпул"да ўтказган эди. Бу эса, Баллард учун ҳақиқий тажриба мактаби бўлди. Унга кўплаб Чемпионшип клублари қизиқиш билдирмоқда. У эса "Миллуол"да асосий таркиб футболчисига айланди".
"Арсенал"нинг навбатдаги рақиби АПЛда "Уотфорд" жамоаси бўлади.
