Туркия терма жамоаси футболчиси Ҳоқон Чолҳонўғли ёзда нима учун «Милан»дан «Интер»га ўтганини тушунтирди.

"Менинг «Милан» билан шартномам якунига етди. Бу жамоа сафида мен 4 мавсум тўп тепдим. Мен барчани ҳурмат қиламан. Баъзи ўйинчилар билан алоқани ушлаб қолганман. Улар билан муносабатим аъло даражада. Клуб билан ўртамизда келишмовчилик бўлмади. Аммо мен янги жойда ўзимни синаб кўришни истадим.

Ҳозирда «Интер»да ўзимни бахтли ҳис қиляпман. Европа чемпионати пайтида Индзаги менга бир кунда бир неча марта қўнғироқ қилди. У мени ўз жамоасида кўришни жуда ҳам истади. У ва клуб директори менга «Интер»даги келажагим ҳақида гапиришди. Мен эса кўп совринларни қўлга киритишни истайман", - деди Чолҳонўғли.

Чолҳонўғли жорий мавсумда "нерадзурри" сафида барча мусобақалар доирасида 12та ўйинда иштирок этиб, 2та гол ва 3та ассист муаллифига айланди.