Кўпчилик кутган нарса содир бўлди. Лионда минимал ҳисобда ютқазган кипрликлар жавоб учрашувида ўзларига керакли ҳисобни бемалол қайд этишлари мумкинлиги тахмин қилинаётган эди.

Қарангки, шундай бўлиб чиқди ҳам. Тезкор гол киритган кипрликлар учрашув сўнгига қадар дарвоза дахлсизлигини сақлашди. 115-дақиқада ягона гол муаллифи Мандукага иккинчи сариқ кўрсатилиб, майдондан четлатилди. Бироқ, камайиб қолган мезбонлар бўлимда ҳам туриб беришди ва пенальтилар сериясида омад уларга кулиб боқди.

АПОЭЛЬ Кипр футболи тарихида янги варақ очди. Чорак финалда қўҳна қитъанинг гранд жамоалари қолаётгани инобатга олсак, кўзи шапағ қуръа омадли бу жамоага «Бенфика»ни рўбарў қилишини истар эдик.

АПОЭЛ (Кипр) – ЛИОН (Франция) 1:0 (1:0, 0:0, 0:0, 0:0)
Пенальтилар серияси бўйича — 4:3
Гол: 1:0 – Мандука (9).
Пенальтилар сериясидаги ҳисоб: 1:0, 1:1, 2:1, 2:2, 3:2, 3:3, 4:3.
АПОЭЛ: Хиотис, Боавентура, Марсело, Паулу Жорже, Барбоса Мораиш, Элдер Соуза (Александру, 90), Хараламбидис (Марсиньо, 76), Мандука, Пурсайтидис, Э. Солари (Тричковски, 74), Аилтон.
ЛИОН: Льорис, Ревейер, Коне, Крис, А. Сиссоко, Гоналон, Чельстрем, Эдерсон (Гомис, 73), Бастос, Бриан (Лакасетт, 90), Лисандро.
Огоҳлантиришлар: Мандука (9), Э. Солари (52), Бастос (52), Коне (65), Аилтон (88), Боавентура (90), Гоналон (90).
Четлатиш: Мандука (115).
Дастлабки учрашув: 0:1