Италия футбол федерацияси президенти Габриэле Гравина ташкилот 3 бразилиялик футболчини Италия фуқаролигини қабул қилиш устида иш олиб бораётганини маълум қилди.
"ESPN" нашри хабарига кўра, Италия терма жамоаси "Кальяри" сардори Жоао Педро, "Лацио" ҳимоячиси Луис Фелипе ва "Рома"да ҳаракат қилаётган Рожер Ибаньес билан музокара олиб бормоқда. Уларнинг барчаси Бразилия терма жамоасининг турли ёшдаги терма жамоаларида ўйнаган.
Эслатиб ўтамиз, ҳозирда терма таркибида 3 нафар маҳаллийлаштирилган бразилияликлар бор: Эмерсон, Рафаэль Толои ва Жоржиньо.